من خبالي عطيته كل ابو حالي

على العاده لفيتك شايل احزاني انا يا ليل
معي كومة طعونٍ ماتُعدّ وجرح من غالي





ابي ويّاك ارتّبها وسط صدري بنصّ الليل
موادع ثم مدامع ثم مواجع مالها والي





ابي احكيلك على العاده ونضوي فوقنا قنديل
بتفلسف قصايد حزن واقول اللي على بالي





ابي اشكيلك عن اللي منخذل فيني يا عالي الخيل
عن اللي صار عالهااامش عقب ماكان هو عالي





عن امالٍ غدت اغلال في جسمي تبي تبديل
عن أوهامٍ معي تختال وأحلمها من هبالي





عن السّارح من البارح مع الجارح يبي تعليل
علامه ليه تجاهلني وتركني واقف لحالي





ياليل المسأله اكبر من افعالٍ تبي تحليل
ياليل المشكله لامن نساني منهو يبقالي





تصدّق ياصديقي ماقدرت احكي من التّهويل
أعرف انّه من خبالي عطيته كلّ ابو حالي





صديقي لا تؤاخذني اذا احزاني تهدّ الحيل
صديقك من سبب كثرة طعوونه مالها تالي






على العاده لفيت اشكي لفيت ابكي انا يا ليل
ولكن مو على العاده معايه جرح من غالي


تحياتي
حسن